انا الذي احبك ريهام ابو المجد

معاهم! ما أكيد اختلفوا على حاجة وكلمة من ده على كلمة من ده قاموا مموتين بعض
اتنفست وأنا برفع حاجبي فكان باين على ملامحه عدم إقتناع كامل بكلامها ابتسم وكمل
طيب وكمال كان ليه اوضة في الشقة دي
كان ليه زمان أوقات ما كان عايش معانا أحنا مقاطعينه من حوالي سنة ونص
بصلي وحرك راسه فقمت وقفت وقف هو كمان وكمل ببساطة

شكرا يا فندم عن إذن حضرتك
ابتسمتلها ومشيت وراه علشان أقدر أكمل القضية بسلام لازم اسمع كلامه أمشي وراه علشان أقدر أشوف كل التفاصيل ببساطة إختياري للمجال ده لأني مبعرفش اسكت بحب أدور واعيش جوا القضية وأدهم رغم إنه راجل متسلط جدا إلا إنه ظابط شاطر جدا جدا
تفتكري صادقة
بتشاركني أفكارك ولا بتفكر بصوت عالي ولا عاوز تسمع فعلا رأيي!
بصلي بإهتمام وهو بيولع السېجارة
هتفرق كتير يعني
بالنسبالي آه لو بتشاركني أفكارك هسمعك اللي عاوز تسمعه أنت لو بتفكر بصوت عالي فمضطرة ألتزم الصمت علشان صوتي ميشوش على تفكيرك لو عاوز تسمع رأيي هحللك الموضوع من وجهة نظري
اتنهد بإستسلام وابتسم
يبقى عاوز أسمع رأيك
وكملت
ثانيا تعالى نقسم الموضوع امه قالت إنهم مقاطعينه من سنة ونص وفي نفس الوقت كان فيه مكالمات من اخواته خصوصا اتنين كل مكالمة حوالي دقيقة ونص في اخر شهرين وده خلى عندنا احتمالين لأما هو كان بيتواصل معاهم وبيتقابلوا يأما كان بيحاول يتواصل معاهم وهم بيفكسوا ويقفلوا في ساعتها! وكلام أمه غالبا يأما حړقة على ابنها اللي ماټ أو حسب اللي في دماغك فهو إبعاد تهمة عن اولادها في حوار الورث!
اتنهد ببساطة وكمل
طيب ما برضوا مقنعة قالت إنه بيشارك ما يمكن فعلا حد من اللي شغال معاهم!
ويمكن حد من اخواته فكر فيها علشان يخليك تفكر كده!
ابتسم ورفع حاجبه بإستمتاع
دماغك حلوة وعجباني
ما أنا مش بياعة بطاطا يا حضرة الظابط
قام وقف وكمل
مروحة بيتك ولا رايحة الجريدة
حركت راسي بنفي
ولا ده ولا ده هزور المقاپر
بصلي بإستغراب فابتسمت وأنا بقفل شنطتي وبجهز علشان أتحرك
أكتر من كده هتبقى بتتدخل في حياتي الشخصية يا حضرة الظابط عن إذنك
نادى عليا وأنا ماشية
مريم
بصيت له فكمل ببساطة
حضرة
الظابط دي مش شتيمة تقدري تقوليلي يا أدهم عادي
معنديش إستعداد اشيل الالقاب عن إذنك
مشيت فعلا وروحت على المقاپر روحت وقفت عند قپره وابتسمت بهدوء
كل حاجة ماشية بالتمام بعملك اللي أنت عاوزه أتخرجت من الكلية اللي اختارتها اشتغلت في المجال اللي أخترتني فيه لأ وكمان ماشية على خطاك في الجريدة عاوزاك تعرف إني بحبك وبحب أنس دايما وهفضل ورا إني أجيب حقه
ابتسمت بهدوء وأنا بحط ورد على قپره
سلام يا أجمل بابا
جيت خارجة من المقپرة لقيت تليفوني بيرن كان رقم أدهم فتحت عليه وكملت بنكش
إيه يا حضرة الظابط مقدرتش على بعدي ولا إيه!
مريم أنت فين
كملت بخضة
في المقپرة زي ما قلتلك فيه إيه
فيه شخص مقتول في جراج جنب عمارتنا
ومتساب على ازاز عربيته نفس الجملة اهلا بيكم في مسرح الچريمة
يتبع
٣
كنا واقفين في الجراچ كلنا متجمعين حوالين شكلها كان صعب للدرجة اللي تخليني مقدرش افضل باصة
مريم معتقدش وجودك ليه لازمة روحي أنت وأنا هفضل مع حضرة الظابط أدهم وأتابع الدنيا
أدهم كمل هو كمان
أنت فعلا وجودك بعد اللحظة دي ملهوش لازمة يوسف صور الواقعة والدنيا تمام
اتنهدت بهدوء وأنا بحاول اتمالك اعصابي وكملت بثبات
وجودي هنا ميقلش أهمية عن وجودكم يوسف بيصور الحدث وأنا اللي بكتب عنه فطبيعي اشوف كل التحقيق عادي ننزل الصور مع الوقعة ونكتب اللي فيها يا حضرة الظابط
حرك راسه بإيجاب وكمل
مش عادي بس ده لازم الموضوع مش طبيعي وواضح إن فيه كذا نقطة ومش مجرد السلام دي كلها جرايم مرتبطة ببعض ولو مش كده فلازم كل واحد ېخاف على نفسه
حركت راسي بإيجاب وكملت
تمام عن إذنك وأنت يا يوسف برضوا معتقدش وجودك ليه لازمة
حرك راسه بهدوء وكمل
تعالي اوصلك البيت طيب
اتنفست بهدوء وحركت راسي بماشي شاورلي فمشيت قدامه بهدوء عكس كل الثورة اللي بتدور جوايا شكل الډم الكتير صحى جوايا أكتر مشهد محبش أفتكره في حياتي شكل بابا قصادي وأنا لسه مش فاهمة السبب شكل أنس وهو وشه أزرق جنبه ومېت
مريم أنت تمام
كان حط إيده على كتفي علشان يفوقني فاتنفضت بخضة مسك إيدي بهدوء وكمل
مريم مينفعش تعرضي نفسك للضغط أكتر من كده ريحي شوية المناظر اللي بتشوفيها بقالك يومين صعب حد يتقبلها يا حبيبتي أنت محتاجة ترتاحي شوية وتخلي بالك من نفسك ده اقل حاجة تعمليها تنزلي اسكندرية اجازة
بصيت له وحركت راسي بنفي
أسيب القضية وهي كل يوم بتكبر! دي القضية مش مجرد قضية قتل يا يوسف أنا واثقه ليها دخل في الموضوع الموضوع أكبر من مجرد حد اټقتل أو واحد قاټل واحد علشان فلوس او تليفون طريقة القټل الحدث كل حاجة عموما مربوطة ببعض
اتنفس بهدوء
يبقى تطلعي وتهدي وتحاولي تفصلي أنت مش شايفة وشك
اتنهدت بزهق
خلاص ماشي فكك يلا سلام
سيبته واقف وطلعت معنديش طاقة اتكلم معاه ومعنديش طاقة اتناقش حاسة إني موجهة كل إهتمامي للقضية جهزت الأكل وجيت أكل افتكرت شكل اتنفست بتعب ودخلت الاكل المطبخ وعملت كوباية نسكافية ودخلت البلكونة
أنت قلقانة!
بصيت جنبي بخضة لقيته أدهم اتنفست بهدوء وكملت
لا مش قلقانة بس مستغربة ليه ممكن حد ېقتل اتنين ورا بعض ويسيب وراه دليل بنفس الخط بنفس الجملة ليه حد ممكن ېقتل بالطريقة البشعة دي أصلا!
حرك راسه بعدم علم ورفع راسه لفوق بتعب
القضية مش بسيطة محتاجة وقت ومجهود مش بقولك ده تقليلا من جهدك بس يا مريم لو هتتعبي سيبيها
اتعدلت في قعدتي وكملت
هو أنت عاوزني أسيبها فعلا
بص ثواني
وكمل وهو بيحرك راسه بنفي
لأ مش عاوزك تسيبيها القضية محتاجة دماغ زي دماغك حد في ذكائك المهني وبيعرف يفكر ويحقق بس لو هتيجي على حساب سلامك النفسي سيبيها
ابتسمت بسخرية
تقدر تسيب قضية لمجرد إن هي قلقاك بليل
حرك راسه بنفي وابتسم
لأ وعارف إن أنت كمان مش هتعرفي بس أنت مينفعش علشان تتابعيها تلغي حياتك الباقية
اتنفست بهدوء
محلولة يا حضرة الظابط محلولة
أدهم
ابتسمت ببساطة
اوكيه بما إننا دلوقت جيران فمحلولة يا أدهم
قمت وقفت علشان أدخل وقفني سؤاله
هو انت ويوسف مخطوبين
اتنفست بعمق وكملت
لا يوسف ابن خالتي وأخويا في الرضاعة وخاطب اصلا
دخلت وقفلت ورايا باب البلكونة حطيت راسي على المخدة وفضلت باصة للسقف دقيقة عشرة ساعة وكل اللي في بالي سؤال واحد بس كل ده ليه
أدهم طلبنا علشان التحقيق
والحاجات اللي وصلولها في القضية
الراجل اللي اټقتل اسمه سامر داوود من سكان عمارة ٧ في شارعنا يعتبر رجل اعمال بس البيزنس بتاعه مش كبير الغريبة إنه خريج كلية علوم قسم كيميا الشركة بتاعته شركة مواد والغريب أكتر إنه من الواضح إن فيه علاقة بينه وبين كمال العربجي
بصيت له ورفعت حاجبي
خريج علوم
كيميا وشركته شركة مواد وليه علاقة بكمال العربجي!
حرك راسه بإيجاب وهو بيلف علشان يقعد على الكرسي
جت في بالي عموما بس مين ممكن يكون له يد في مۏت الأتنين وإيه السبب!
طيب وموصلتش لأي معلومة عن عيلته أهله أو أي حاجة!
كلمنا مراته بس الغريبة إن تفاصيل مۏته داخليا زي تفاصيل مۏت كمال القټل